UMA uhamba ngomgwaqo u-P522 ugudla ITembe-Elephant Park ubheke eManguzi, phakathi kwezihlahla, kwesokudla, ukhangwa amathangwe ayizigcinamanzi amabili athe chwa kwelenyoni evela phezu kwezihlahla. Ngiyaqala ukubona ingqalasizinda yamanzi ehambelana emesha imvelo ngalolu hlobo .
Angithi yilo kanye leli thangi elikhulukazi eligcina amanzi ayisigidi ngosuku esuka kwaShemula. Liphakela amanzi izindawo ezifana noScabazini, KwaNdaba, Sihangwane, Lulwane no Mtikini. Amapayipi angu-23km agqitshwe phansi ahambisa amanzi kulezi zindawo esuka kule nsengwakazi. Lawa manzi asuka emfuleni uPhongolo ahlanzwe aphindaphindwa ukuze alungele ukuphuzwa umphakathi. Akugcini nje lapho, leli thangi yilo phela okudonsa kuwo ama-stand pipe amanzi angu-20 angu chithi saka noSkhemelele wonke anikezelwe emphakathini okokuqala ngqa iMeya uMhlonishwa Siphile Mdaka namhlanje ngoLwesihlanu..
Namanje siwushiye umphakathi wakule ndawo ubabaza uthando lweMeya uMdaka no mkhandlu wayo, uthokoziswa nawubumtoti bamanzi
